عندي قوافي ما تأكّل فطيره

عندي قوافي ماتأكِّـل فطيره
ولاتنضج عيش،نار القصايد..

لوهن جِمال إن قد ملين الحظيره
واصبح لهن مدخول وافر وعايد..

بيوت لكن ماتكن من مطيره
ولامعي من ظهر ابوهن فوايد..

ماهي شبح بالخط تسمع صفيره
ولاعماره خلف شارع مجاهد..

ماقد شربتو منهن كاس بيره..
ولااطعميني زاد فوق الموايد..

هاجس ملان اخبار مثل الجزيره
يزفر حمم بركان.. حامي وبارد..

وكيف اصل للمال وايدي قصيره
وانا الذي للمال حرفي يناشد..

رصيد جيراني دراهم كثيره
وانا رصيدي دمع فوق الوسايد..

يااللي زبلت.. الكاس بالله ديره
كم بايظلي عني الكاس شارد..

امسيت انا والرزق والله بحيره
وكيف يتوزع على كل واحد..

عن القدر مدري بشره وخيره
للمه بخل بالرزق والرزق واجد..

رجعت افتش عن فطيرة شعيره
جاوع وغيري قد بناها مساجد..

وارزاق ربي عند ربي وفيره
تكفي لسكان البسيطه وزايد..

ذي بير عنده زاد له فوق بيره
واحنا نظلي من ظمانا نكابد..