الحق مهما كان لابد ينقال
وأنا مزجت الحق داخل مقالي
تقلب همومي صفوة الحال والبال
وتضيع اشعاري بداخل خيالي
وتروح افراحي على بعد اميال
واشوفها كاالحلم دايم قبالي
وابقي لها فالقلب آمال وآمال
وتعود لي رغم الخطوط الطوالي
كامل حياتي عشتها بين الأهوال
قلبه بقلبه قد سهرت الليالي
احمل بظهري هم احمال واحمال
واضل متحمل لما قد جرا. لي
لجل الشرف مااهم. حملي والاثقال
موتي ولا عيشت عبيد الموالي
طبعي الشجاعة في زمن كله انذال
وسلاحي التفكير وقت النزالي
توقف ملوك الجن لي عز واجلال
وترتصف حراس دايم حوالي
والوقت لو للخلف يرجع لي اميال
اني بدال الزير. ذاك الهلالي
وأنا اتيت اليوم قاهر لذا الحال
باادخل إلى التاريخ شامخ وعالي
اسمي مرفرف فوق هامات الأجبال
معروف من اقصى الجنوب لا الشمالي
وشعري معلق تدرسه كل الأجيال
من بحر فكري أغترفته زلالي
في ساحة الشعار منصوب تمثال
تتعبده كامل هجوس الرجالي
واللحين أنا بااصيغ حكمه وامثال
وانضم حروفي شعر دايم مثالي
اصبر على الاحزان لو كنت رجال
الصبر حكمه في زمان الضلالي
واتحمد الرحمن في كل الأحوال
وارضا. بما. يئتيك من ذا. الجلالي
ترى القناعة كنز اغلى من الغال
من قد ملكها عاش فارح وسالي
و الصبر شوفه دوم مفتاح الاقفال
والبعد والهجران بعده وصالي
مهما العلل طالت فلابد تنزال
والحال يتحول وخلده محالي
لاتصحب الا شخص من قوم ابطال
إللي الوفاء والعز طبعه سلالي
إذا دعيته فز. جاوب وفالحال
ولجلك تسلح جعبته والاوالي
مثله بشرنادرومعدوم ومحال
صار النشاما اليوم والله قلالي
في الميه واحد يكون غير محتال
وتسعة وتسعين مايساوو نعالي
ياسعد من خاوا. رجل. دوم شلال
يحمل لمن خاواه حتى جبالي
هذا وعاد الشعر في فكري أشكال
لكن مثل واحد دوام وسط بالي
ماضيق الا. ضيق. مديون.الأموال
وما قهر. الا. قهر. فقد. الرجالي
هذا وصل الله مالسيل قد سأل
على محمد سيد. كل. الغوالي
وسلامتكم.
ليست هناك تعليقات:
إرسال تعليق