القات عندي قوت لابد منه
محال من دونه تطيب السوالف
الناس تفطر في كنافه وجبنه
وانا فطاري عود نزي وناشف
سنين مرت ما تخليت عنه
ولا تركته في جميع المواقف
ما افلته لما اندفن بالمجنه
ولا اتركه لو يضربوني بكاشف
القات عندي فرض واجب وسنه
ابذل عليه المال ما انا بخايف
ما انا من اللي يقحص القرش سنه
ولا على مالي موفر وحاصف
انا حياتي هي مداكي وفهنه
ادوس بايامي ولا اقول آسف
غيري يصلي يسأل الله جنه
وانا نصيف الليل سامر وعاكف..
قووووووة القووووووة
ردحذف