واحذر عليك الخدش مثل الجلاكسي

والله العظيم لو سجلوني بال ا ر ه اب
او يحبسوني باليمن مثل مر س ي..

لاادق بيتك واخطفك من قفا الباب
واعبر انا وانت الجزيره بتكسي..

واخفيك عنهم مثل خاتم بدولاب
واحذر عليك الخدش مثل الجلكسي..

سلمتني للحب والحب غلاب
واحرمتني من نوم عيني ونعسي..

والله العظيم مالذ عيشي ولاطاب
إلا بقربك ياحياتي ونخسي..

ماعيشي الا من فراقك تغصاب
فاقد شعوري وارتياحي وحسي..

كيف اتركك ياعز من كل الاحباب
واغلا عليا من عيوني ونفسي..

وانته محلك بالمقل بين الاهداب
ولك بقلبي عرش عالي وكرسي..

يااللي جمالك والحلى نال الاعجاب
ياخمر شرقي في قوارير ببسي..

يااللي شفاتك قند حالي وعناب
وتوت باغصانه ورمان دلسي..

يادوعني يجنوه من زهر الاعشاب
ياكاس من منقه على كيك روكسي..

بااسمر على ضو الوجن لاالقمر غاب
واسهر انا وانته على قات عنسي..

واسمر معك في صوت هيفاوزرياب
والحب يؤخذنا بتيار عكسي..

هذا جمالك مثل بستان خلاب
ياطير في ريشه منقش ومكسي..

وجهك ثرياء خلت الجو جذاب
لمبات بيضاء شابكوها بسلسي..

انت الشعير اللي مخمر بالاكواب
وانت الشراب اللي للالباب ينسي..

وانت العنب ذي بالعناقيد ينساب
وانت البلح ذي في نخيله مرسِّي..

انته شرابك قطر الاجباح لاذاب
وانا شرابي مر حظي ونحسي..

وانته ثيابك روب ناعم وجلباب
وانا ثيابي نار حمراء ولبسي..