أسعد صباحات وجهك

سلِم عليا وعوِدني بعودين قات|

وجيت نغنم صباح العيد قبل الرحيل..

أسعد صباحات وجهك واَسعدالأمسيات|

ذي فوق شعرك وحيا التمر ذي بالنخيل..

بالعيد مرحب وبك يازين حيا ميات|

ياعز وافد على قلبي ويااغلا نزيل..

يااقرب لقلبي من اضلاع القفص والريات|

لو كان بيني وبينه ألف كيلو وميل..

أهديك مااهديك وانت الحب والأمنيات|

وكل شي ياحبيبي جنب حبك قليل..

والله لااجمع لك الدنيا واهبها هبات|

واَسلِّم الكون لك وامشي كعابر سبيل..

والله لااحلي الدنيا ولو هي شمات|

واَعصر من الهم قهوه والضجر زنجبيل..

واَترجم العيد لاجلك في جميع اللغات|

واَكتب قصايد على شانك نفسها طويل..

أنا درست الأدب والشعر بالكليات|

كلام فوق الورق مايوصفك مستحيل..

غير الشفاتين ماشي للهوى تاليات|

ولا لضو الغبش بين البلابل هديل..

وارماش عينك على سود المقل ساجيات|

ماشي لها باللغه تشبيه واِلا مثيل..

الشِّعر شاخت جفونه من وصوفك ومات|

والحرف من سهم عينك بالدفاتر قتيل..

هذه حروفي قطفناها من الحاصلات|

حروف والفاظ غبراء ماتداوي عليل..

ياليتهن مثل خدك والوجن راويات|

واِلا لهن مثل صوتك بالمسامع شليل..