يا ذنب من علق على اليد شمطه

ياذنب من علق على اليد شمطه
وصاد غيره.. بالحلى.. والدلاعه..

سببت لي بالجسم سكر وجلطه
ماعد نفعني كشفيه أو إشاعه..

أنحلت جسمي والعوافي بي ابطه
ماعاد عندي ضد حبك مناعه..

وين اشتكي من شق صدري وشطه
وشل قلبي من مكانه وباعه..

والله مااترك باب بيته ولااخطه
لو ينشروا عني خبر بالإذاعه..

اصبحت في حبه بمحنه وورطه
وذلني بالحب بعد الشجاعه..

اتذكره في كل لصمه ومغطه
وكل تعميره ورشفة مداعه..

سويت له بالذاكره ألف لقطه
وقلت له بالحب سمعاً وطاعه..

النهد في صدره بطاطا وشطه
والخصر يشكي من نحوله مجاعه..