هل الفرح واشرق على الديره=
والعيـد فــي أشياء يذكرني..
قــم يانديمــي واسقني ب ي ره=
مــع صباح العيــد سكرني..
ديــر القدح يافاتنــي ديره=
واطرد لي احزاني ونورني..
واِلقط صبوحي من تناويره=
بالحـال فيسع لا تأخرني..
أضحك على الدنيا بتعميره=
واَقهر صباحي قبل يقهرني..
والعــود لا تعمــد بتأخيره=
فالعود وقت الصبح يبهرني..
يطلق لساني وقت تخديره=
ومــن رحيقه كم يفترني..
بالله يــاناقــش أظافيــره=
هات القلم لابيات تحضرني..
كلــن بعيده في مشاويره=
وهاجسي بالشعر يمطرني..
مليت من شرحه وتفسيره=
لاكل وادي كم يجرجرني..
مابان لي نغمــة مزاميــره=
دايم في الحانه يحيرني..
ياكــم سقاني من قواريره=
وبالمشاعــر كم يفجرني ..
أبيــات كم فجرتها.. غيــره=
وابيات اَلا ياربي استرني..
وابيــات لاعاودت تذكيره=
أمسى يعذبني ويسهرني..
هو المنــادم ما معي غيره=
هو ذي قلب طبعي وغيرني..
وهو رفيق الدرب والسيره=
ذي ظل ينصحني وحذرني..
هــو الولد ذي منتظر خيره=
والحلم ذي راكن يطورني ..
افنيت عيني لجل تحضيره=
ناطحت له لما تعب قرني..
لااليــوم ذا مازال تقصيره=
علــى جهودي ما يصبري ..
خليتني ياصقر في حيــره=
متى على اجناحك تطيرني..
والختــم ماغنت مناقيــره=
لاشي خطا يارب تعذرني..
ليست هناك تعليقات:
إرسال تعليق