الشعب كله هَنقِري/الشاعر القبيسي

وصل الطري وصل الطري/

ذي مادرس ولاقري..

وبفضلكم يا عُفشي/

عاد النظام البربري..

يا اخس وانجس من رأت/

عيني وشافه ناظري..

شغلتنا جننتنا/

من يوم عادك عسكري..

عن ثورة الشعب الأبي/

والمارد السبتمبري..

والله أكبر قلتها/

ويا بلادي كبري..

ويا طواير حلقي/ 

ويا مدافع زمجري..

واليوم جازيت الوطن/

هذا الجزاء المفتري..

وانكرت سبتمبر مجيد/

وجبت سبتمبر طري..

واصبحت يا ابو عينها/

تركع لعجل السامري..

وكل هذي الكارثة/

أنته سببها الجوهري..

كنت احسب انك داهية/

وكنت اظنك عبقري..

وطلعت متخلف غبي/

وان لقبوك الحميري..

خالفت والقول اختلف/

وش قلت يا خلف الذري..

قلت الامام احمد ظلم/ 

واليوم صار احمد بري..

بشرت با الوحدة عدن/ 

وقلت يا صنعاء ابشري..

واليوم هديت البناء/

واصبح بناك المهتري..

والمؤتمر وزعتهم/

توزيع حاقد عنصري..

مابين حوثي رافضي/ 

والا حراكي ناصري..

والمملكة عاديتها/

وهي الطبيب البيطري..

ذي ردتك صالح علي/

قد كنت صالح جمبري..

وواستك بااموالها/

من قبل ماتصبح ثري..

واليوم قد هي خاينه/

يا بيض غني واحجري..

وصرت تعمل ضدها/

وايضا" تبيع وتشتري..

والبنك كملت البيس/

والشعب كله هَنقري..

وابو جلال الوحدوي/

والثائر الأكتوبري..

من بعدما سلمت له/ 

رجعت فوقه تهتري..

ترأسي لش في اليمن/

ورملي في الحاوري..

الله يجعل كيدكم/

بنحوركم لا منحري..

والله يجازيك الجزاء/

ذي تستحقه يا .......

        الشاعر/مجلي القبيسي