المحنِّش للحنش/لهجة تعز/ياسر دبع

ياقهر قلبي وا عفاش/

شلو عليك الزعامه..

جالس علينا تبقبق/

تحسب عادك فخامه..

مسكين ياثور مبكر/

قد لبسوك الفدامه..

واللي يشو يغرزُنَّك/

بالغصب تاكل حتامه..

حتى الخبر اعجمنّك/

وزروا عليك الصرامه..

اكديش اصبحت فيهم/

حمار لابن الغلامه..

بالامس قالوا عليك صقر/

واليوم يقولوا حمامه..

يارحمتي لك وا عفاش/

يا حسرتي والندامه..

الحوثي دقدق ضروسك/

ولبسك اللثامه..

حنش يأكل محنش/

وصالح اكلته الإمامه..

مو عاد شنفع نصييح/

لزير عم اليمامه..

ذليت نفسك بنفسك/

اليوم تحت الإقامه..

خليك معانا وا عفاش/

اترك راعي العمامه..

اللي هترته بيدك/

اليوم تسمع كلامه..

ولا شقعلك بجزمه/

وشرجم ببوك للقمامه..

اللي لعبها بحبلين/

اكيد يفقد مقامه..

والكل لو شقدفوله/

مافيش عليهم ملامه..

            ياسر دبع