قصيدة عن الفقر/لهجة الوسطى

وا ياعيالـي!! يابنـي قريظـه/

أيش الغداء؟قالوا مطيط بيضه!/

"يخلي الهاج ــس يصب غيظه"/

على الحكومه والوطن بكله..

ــــــــــــــــــــــــــــــــــــــــ

ويش الصبوح؟قالوا فطير بايت!/

يلصى بصدري مثل كيس تايت/

واني مبرمج لاالعشي بصامت/

بداخلي من الجحيم شعله!!..

ــــــــــــــــــــــــــــــــــــــــ

أبـو يمن "فِدرِه" بكل وجبــه/

تشذِّح امعـاجه تقول زَربـــه/

يلعب به الفـقــر اللئيم طبـــه/

في ملبسه ومرقده وأكلـه..

ــــــــــــــــــــــــــــــــــــــــ

وابن الخليجيــه غداء مخلخــل/

لحمه وكبسه في طبــق مشكل/

يؤكل وقالوا له هني من اكــل/

شوف النعم ذي باينه بشكله..

ــــــــــــــــــــــــــــــــــــــــ

الخضروات الخضر والفواكـــه/

""واا ياحبيب الرزق ياملاكـــه""/

ََِِمِبرِد من الفقر "الوسخ" وساكه/

واحنا دعسنا الفقر تحت نعله..

ــــــــــــــــــــــــــــــــــــــــ

مدريش ليش الــرزق يا مثنـى/

يحبهم واحنـــا كـــره يَمَنّــا/

"الرزق حتــى"؟! يعشق المحنَّى/

ويش السبب؟ "كرهـه لنـا وبخله"..