قيدتني قيدين بالرجل واليد
واوثقت قلبي في حديد السلاسل
في بحر حبك كان موتي مؤكد
واليوم في ميناك راسي ونازل
طبيعتك لي كانت اعند واعند
واليوم طبعك ورد فوق المشاتل
ما يوم فارقتك ولا امس والغد
الا وذكرك بالحشى في تواصل
عانيت واصحابي يقولوا تجلد
والدمع في خدي على طول سايل
قال العواذل في غرامه تشدد
قلت التشدد بالهوى أمر حاصل
انت القمر والبدر يا باهي الخد
وانت الشموس اللي تضيء المنازل
وانت الشذا والعطر يا عودي الند
وانت الحدايق والربى والسنابل
انا عشقتك عشق دائم مؤبد
واعطيت لك قلبي ولا اطلب مقابل
ثم الصلاه تبلغ نبينا محمد
ما غردت فوق الغصون البلابل..
ليست هناك تعليقات:
إرسال تعليق