سبِّح لربك وعالج بالصلاه الهموم

سبح لربك وعالج بالصلاه الهموم=
وراقب الله باعمالك وكل الفعال..

واِحذر لدينك تفرط به بسوق السهوم=
لاقل مالك فحيا الدين من راس مال..

عش بالعقيده وحاذر للقيامه تقوم=
لايفتنك بالعقيده قرش والا ريال..

ديانتك والعقيده هي لدارك دعوم=
عقيدتك لاتدعها لو تزول الجبال..

واحيا بدينك وخل اللي يلومك يلوم=
قد مصحفك باليمين افضل ولابالشمال..

قو العزيمه وقل يارب حان القدوم=
واِعزم إلى الله سبحانه وشد الرحال..

أدي فروضك ولاتكسل وعنها تنوم=
ولاتكن عن صلاتك دايماً بانشغال..

اذا سمعت المؤذن يذكر الله قوم=
صلي مع الناس واجري لاسماه اتصال..

لاتنشغل في تجاره لو تراكم ركوم=
المال ميال ينقص والعمل لك كمال..

لاتجعل ابليس والشيطان حولك يحوم=
وتصير مثلك او افضل منك بعض البغال..

من الذنوب اعتصم بالله والله عَصوم=
فالله يثنيك عن ذنبك بلفظ الجلال..

والحق قوله بحكمه لاتهاجم هجوم=
مادام للحق حولك والحقيقه مجال..

شهاده الحق لاتمسي بجوفك تعوم=
ولاتظلي بدارك كالحنش بالشوال..

من قبل تصبح بقلبك والحنايا سموم=
وتصبح امراض مابين الكبد والطحال..

وعامل الناس بالحسنى لكلن رقوم=
لاتزجر انسان إلا لا عن الحق مال..

والفخر بالمال أو بالعرق ماشي يدوم=
إفخر بدينك ولاتفخر بعم أو بخال..

وإحــمد إلهك على ثوبك ولين الكموم=
لاتفتخر بينهم في ثوب والا بشال..

واشكر إلهك على الزاد الدسم واللحوم=
تزداد فضل الذي لاكال للعبد كال..

واذكر اذا نمت فرشك فرش ناعم وروم=
مخلوق مثلك منامه بالعرى والرمال..

واقرا الشريعه وشوف الدين كم ياعلوم=
انزلهن الله نجعلهن علينا خصال..

شرايع الله ملزومه علينا لزوم=
نبينا المصطفى ناضل عليها نضال..

لمَّت بكل المجالات الكثيره لموم=
مانقص الدين حاجه ماحواها وطال..

نعمه لها الله كمَّل مُختَمه بالختوم=
في دين شامل وكامل عذب صافي زلال..

والله يرحم صحابه للعقيده نجوم=
ذي يهتدي فيهم الساري اذا الليل طال..

وختمها ماارعدت فوق الروابي غيوم=
على محمـد وآلـه خيـر أمـه وآل..