اخوالك اهدوا لك حلاوى وشكليت

اخوالك اهدوا لك حلاوى وشكليت=
وانا اللي اهديتك هديل الهواجيس..

أعزف لك احساسي موشح ودوبيت=
واَشعل نجوم الليل حولك فوانيس..

واَنقش عباراتي بصدرك يواقيت=
حروف خضراء من خبايا القواميس..

واَفرش حروفي لك زرابي وموكيت=
واَعصر من اقلامي شراب الأنانيس..

واَدني لك اغصان الحروف الطواغيت=
ذي طعمها احلى من حليب الجواميس..

قُــد بــاي لا ولـيت واهـلاً إذا جيت=
القلب قصرك والجنود الأحاسيس..

اِدخل متى ماشيت واِخرج متى شيت=
واقعد على عرشه ملك مثل بلقيس..

واِطرق مواعيــده بدون اي توقيت=
واِقلب مناخاتــه وكل التضاريس..

اشعلت قلبـي من غرامــك بكبريت=
واحرقت وجداني شبيه القراطيس..

أهــواك لمَّـا اصيــر فوق التوابيت=
قلبي قتيلك والضلوع المناحيس..