يا بني عِزلتي يا راحتي وارتياحي

ياصَنع ياالثَّجر ياذي الدرُب يا حِيَازه/

يابني عزلتي ياراحتي وارتياحي..

عزلة الشعب ذي مااظن فيهم عجازه/

لا بدا الشر هبوا من جميع النواحي..

حدنا حيد والمشراق صعب اهتزازه/

يوم جاء الخصم كعدلناه مثل الرباحي..

كم وكم مننا ضرغام أشر جوازه/

نام نومة بطل والذكر مازال صاحي..

ما غزيناش احد باطل ولاالله جازه/

غير بالحق قدمنا عليه الأضاحي..

خيلنا لادخل ميدان بالحسم فازه/

وان لبسنا السلاح اعتز فينا السلاحي..

ظلمة الليل نسريها على ضو قازه/

لجل غاياتنا ما ننتظر للصباحي..

من يذل ذَل ومن يعتز يبقى اعتزازه/

سمعة الجيد مايمحيش بالكون ماحي..

مانعظ الندم لاالناس للمال حازه/

مثل عظ الشيم واخلاقنا والسماحي..

نبذل المال عند الغرم دون احتجازه/

قوم بالجود مطبوعين ماهم شحاحي..