قصيدة غزلية روعة|الشاعر البدوي:

قمري على دور خامس

فاتح زجاجه وجالس

كاالبدر في ليل دامس

بنور خده والاوجان..

منقوش نقشة عرايس

والطرف ساجي وناعس

نادش جعوده ولابس

من خامة البز فستان..

جذاب كامل وصوفه

والنقش ذي في كفوفه

يغوي بصر من يشوفه

ويشعر انه بلبنان..

مااحلا الكحل في عيونه

وخفته والليونه

يالله من العين صونه

وجنِّبه كل شيطان..

قد شل عقلي بنظره

وحط بالقلب حسره

ياقهر اخو قيس قهره

من سهم رمشه والاعيان..

كل يوم في وقت معلوم

في الطاقه اللقاه مرسوم

وانا احسبه صار محموم

من شدة الحر طفشان..

حسب اعتقادي وجوده

يفتح نوافد بروده

للريح تعبر حدوده

ويعتدل جو الاركان..

لاكن اذا الجو بارد

في بديته ايش قاصد

مانا قد اصبحت شارد

مجنون في بعض الاحيان..

يا ليت لي وقت ازوره

اقرى واترجم شعوره

واعرف سبايب ظهوره

و ارويه لاكان عطشان..

و اقله ايش انت ناوي

هل انت بالحب غاوي

اوانت يازين هاوي

عاشق معذب وولهان..

قلدتك الله قلاده

ترقد معي في قعاده

وباتشوف السعاده

يا فاتني بين الاحضان..

ليله بفرشك تكفي

تزيل جرحي وتشفي

واشرب من الفم وسكي

من بعدها اكون سكران..

نسهر على درب الافراح

واطعم من الصدر تفاح

يرتاح قلبي وترتاح

وانسى المواجع والاحزان..

هذا  ولاتنقدوني

لاصاب عقلي جنوني

لي منعكم تفهموني

بشعر منظوم الاوزان..