يا غارتاه واسمعوا يا كُل قاصي و داني/
لقَول ما يثتني..
جاني خبر قالوا النّت وسطه العيش ثاني/
حالي عسل دوعني..
هو صِدْق يا فيس بووك إنك تجيب الأماني/
ومن يفسبِك غِني..
كم لي معك كم ولا شرّبْتني يوم شاني/
لِلْمِهْ كذا سبتني..
أشْريْك واسْهِر عيوني فيك واتعِب بناني/
وفوق ذا بعتني..
ويلك من الله تكويني وحظّي كواني/
والغير بك يهتني..
سالك بربّ السما لاشي بقربك كناني/
كافي مطر رشّني..
وان كنت مارد طلبْتك من ذهَبْها جواني/
جيتك أنا معتني..
وان كنت شافع دعوتك بالفلَق والمثاني/
تنظر لما صابني!!..
يا دندنة دندنة دانة ويا ليل داني/
شِنْ يا مطر شنشني..
عشنا وشفنا الغرايب والعَجَب يا زماني/
يا شَوْقَني شَوْقَني..
يااهل العقول الرزينة لا تزيدوا جناني/
يااولاد عمّي بَنِي..
الفسبكة للجميع الشيخ وابن الخباني/
والجرْح له بَلْسَني..
مَن كان عنده مَرَق لايسكبه في صياني/
يبْرِد وهو ما هِني..
يوزّعه بين جهّاله ولاقد رآني/
في ديمته ردّني..
المُلْك لله وحده.. ما سوى الله فاني/
يا نفس لاتحزني..
دومي على العز دومي لاتخافي هواني/
فالحُرّ ما ينحني..
والله لواهلَك عطش والما بِكَفّ الأناني/
مااقول هات اسقني..
بالذلّ يا لعنبو مَن عاش حتى ثواني/
لو كُلّما ٱملك فنِي..
مَنْ عَزّ قدري أشيله في سواد النياني/
واهين مَن هانني..
مادام انا بالفضا نجمي وكاسب رهاني/
والله ما هَمّني..
كُلّ الخيول الأصيلة ما تراهن حصاني/
ولو طريقهْ عَني..
شوف السما باتلاقي في الثريّا مكاني/
يا مَن جهِل مَسْكَني...
أبوالمقداد صخر فاضل
الاشتراك في:
تعليقات الرسالة (Atom)
ليست هناك تعليقات:
إرسال تعليق