بعض البشر يفرض عليك اِحترامه:

بعض البشر يفرض عليك احترامه/
وبعضهم يا صاح لازم تهينه..
شوف المحنّك واعرفه من كلامه/
المعدن الغالي يدلّك رنينه..
الجيد محّد يستطيع اتّهامه/
والنفس لاكانت حسينه حسينه..
البعض من مبداه تعرف ختامه/
وقيمته في وسط قلبك رزينه..
يسهل على من سايروه افتهامه/
وان فارقته العين تبقى حزينه..
والبعض غامض تعتجب من نظامه/
من سايره يومين ربّك يعينه..
تلقاه متديّن يغرّك سلامه/
واللؤم طبعه والعداوات دينه..
                 ابو غيث حليم