أشِّر معي ماليزيا

أشِّر معي ماليزيا وعجل/

عادك عزب سر اغترب وطول/

بعد الدراسه ردني مغسوِل/

يا غارتاه وين اشتكي واشارع..

ــــــــــــــــــــــــــــــــــــــــــــــــ

ما عادشي لي باليمن سعاده/

لافي دراساتي ولا الشهاده/

قد اليمن طريحة العياده/

والشعب في آخر رمق ينازع..

ــــــــــــــــــــــــــــــــــــــــــــــــــ

تخبري يا صالحه ونعمه/

من المرتب ليش ضاع علمه/

شوقي على كشكاشته وشمه/

القرش ذي تشفى به المواجع..

ــــــــــــــــــــــــــــــــــــــــــــــــــ

ماهلنيش بالمؤتمر والاصلاح/

ذي ادبرونا وازهقوا بالارواح/

ماعد هجع شعب اليمن ولاارتاح/

والحزبيه تشعل بكل شارع..