لا تفتكوا بالعاشق الجَهبَذي

يا ظبي صنعاء عادك الله ذي/

عاود على يعقوب يوسف..

يا ظبي صنعاء والكلام الذي/

مثل السهام السمر يقصف..

انا بحبك والحنان اغتذي/

واجني زهور الخد واقطف..

شااقرا عليك الناس واتعوذي/

لاحد لورد الخد يتلف..

ياظبي صنعاء صار شعري هَذِي/

عجزت لك يا قمري اوصف..

خايف على عيني بكم تئتذي/

غطي على وجهك وشرشف..

لا تفتكوا بالعاشق الجهبذي/

خلوه عن حبه يخرِّف..

يا ليتني في صفكم تِلمذي/

وإلا على الطابور مشرف..

ا..................اا...........

يا ظبي صنعاء لا ولا والف لا/

أكُف عن حبك ولا انسى..

حبي لكم يافاتني والغلاااااا/

ماحَب صخر الشهم خنساء..

ياظبي صنعاء سِر بحسنك دلى/

حرام عالعُشاق تقسى..

انت الهناء وانت الفرح والسلا/

وانت الطرب في كل ممسى..

اا.............اا..............

ياظبي صنعاء كم تغنى وكم/

في حبكم مطرب وشاعر..

والترك أيضاً والعرب والعجم/

والآنسي قبلي و نادر ..

(مع خالص الرحمات على نادر)