الله ذي يفرِح وذي يسلي

يا صاح للقرآن لا تسيبه/

من يدرس القرآن ما يخيبه/

القلب يمرض والهدى طبيبه/

وآيتين في كل يوم تكفيك..

داوم على ذكر الإله يا صاح/

ينزال همك والتعب والاجراح/

خليك في حب الإله سواح/

رب السماء ذي يطعمك ويسقيك..

واحمد إلهك والتزم بشكره/

وان ضاقت الدنيا تليت ذكره/

يكفيك هم البارحه وبكره/

ويحرسك طول العمر ويحميك..

واسأل إلهك لا تسلش غيره/

والقلب غير الله لا تعيره/

العمر زالج والحياه قصيره/

والباقيات الصالحات تغنيك..

في كل شي ياصاح طاف عقلي/

ما شفت غير الله منهن لي/

الله ذي يفرح وذي يسلي/

والله وحده يرزقك ويعطيك..