مِن جنسيه حميريه

ياالله بمليون من عملة كلينتن وبوش/

تخلي الفقر يسقط تحت نعلي صريع..

مليون دولار ذي تستاهل اسم القروش/

اما الريال انتهى واصبح بسوقه وضيع..

والله ماخير من عملة صياد العروش/

أريد عمله تعيشني وراسي رفيع..

مِن جنسيه حميريه مثل شمس الغبوش/

ذي تكرَع الرزق فوقي والدراهم كريع..

الجسم كله ذهب والوجه حالي بشوش/

جمال في مال أما الجاه وافر وسيع..

فيها جهادي وقبري والكفن والنعوش/

وانا لها المشتري وانته توكل وبيع..

والله لااوفي لها والناس مايستووش/

وابقى لها بالقيامه يوم تبعث شفيع..

ذليتي الشعب واهله يااليمن لعن ابوش/

ذليتي الشعب خليتي فحوله قطيع..

صارت خراف النعاج اليوم تركب كبوش/

وصابح الليث للثعلب مسالم مطيع..