جارت علينا الليالي واسهرتنا القوافي/
والليل طوَّل وكان الليل عندي قصير..
والدهر لوث شبابي بعدما كان صافي/
وردني عبد وانا كنت عايش أمير..
ألَّفني اول ودللني ولي كان وافي/
باول زماني وعيشني شبيه الوزير..
واغدق عليا النعم من كل ظاهر وخافي/
وهبني المال كله والشباب الوفير..
رجِع بلاني بصلعه زلجتني كوافي/
وانا الذي كان شعري لاكتوفي غزير..
ياغبن غبني على ذيك السنين النظافي/
خير العمر باوله ماخير شي في الأخير..
مابين حِلي على الدنيا ويوم انصرافي/
كثير والعمر في لحظة وداعه قصير..
العيش ياصاح شربة ماءعلى قرص دافي/
وعافيه من يد الباري وهذا كثير..
مَن عنده المال مابايشتريش العوافي/
ومن حَسَب للدراهم عاش عمره فقير..
اِغنم شبابك اذا عادك من العمر لافي/
لاتترك العمر يمضي مثل طيف الأثير..
ليست هناك تعليقات:
إرسال تعليق