انا عشقتك والله الشاهد

ذاب الكبد مازلت انا اكابد/

الله من حُبك على حالَه..

وانا بحُبك مثلما الوالد/

وانته بحبي مثلما الخاله..

حبيتك انته عادني حاقد/

وجهك بسفح الحيّ واطفاله..

يا كم لذاك العهد انا فاقد/

كلن يعبّر له بذي باله..

يا نادش الأجناح يا فارد/

ريشك ملكت الجو واطواله..

انته مرح في دنيتك ساعد/

وانا بدنيا الحب واهواله..

حُبك بقلبي والحشاء زايد/

كم جهد قلبي في تحماله..

ادعي لك الباري ونا ساجد/

لا قرَّبك من هم واشغاله..

ولا تصيبك نظرة الحاسد/

يا تاج في راسي ودسماله..

وانا عشقتك والله الشاهد/

عشق المحمّل يطرح احماله..

أحرص على خديك والساعد/

عَدما حرص باخل على ماله..