عزاء الصلعان

يا لحيتي شعرش غزير غاسي/
ليتن شعارش لحيتي براسي/
افخر بهن بالموسم الدراسي/
وامشط واغسِّل بالصباح وادهن..

إن جيت اقصش كم بجهدي امواس/
وان جيت اربِّي عيروني الناس/
وقالوا ارهابي وذيب فراس/
بالقاعده أو مطوعي من الجن..

كيف انقلش راسي يصير دافي/
واسكه من الغتره مع الكوافي/
يبان وجهي بالشعار صافي/
واروج في سوق الغرام واثمن..

يرتاح قلبي يوم اكون امارى/
والشعر نعمه يعجب القمارى/
ما اليوم صحراء قافره وصفراء/
حتى المرايه مالها تبين..

يا باطلي راسي زلج وصلع/
بين امسكه سكته حذر يقلع/
ولحيتي مثل الكراث تطلع/
كل يوم وانا في محل مزين..